Skuadra e Liverpoolit ka marrë një goditje të madhe në garën për titull. Ekipi i Jurgen Kloppit është mposhtur në “Anfield” nga Swansea City i vendit të fundit, me rezultatin 2:3.
Pjesa e parë e këtij takimi ka përfunduar pa gola (0:0), por në pjesën e dytë të dy ekipet kanë shpërthyer duke realizuar pesë gola.
Golat për miqtë i kanë realizuar Fernando Llorente (48 dhe 53) dhe Gylfi Sigurdsson (74). Kurse, për Liverpoolin dy gola i ka realizuar Roberto Firmino (55 dhe 69).
Pas kësaj humbje, Liverpool mbetet i treti me 45 pikë të grumbulluara, duke lëshuar një mundësi të artë që t’i afrohet Chelseas.
Kurse, Swansea me këtë fitore ka tubuar 18 pikë duke i ikur fundit të tabelës. /a.m.
