Po vazhdon ecuria fantastike e Liverpoolit këtë sezon në Premier Ligë. Liverpooli ka fituar bindshëm ndaj Neëcastle Unitedit sot në Anfield Road me rezultat 4-0, për t’u shkëputur edhe më shumë në krye të tabelës.
Kjo ishte një ditë e veçantë për trajnerin Jurgen Klopp i cili regjistroi fitoren numër 100 prej se është trajner i Liverpoolit, duke e arritur këtë shifër më shpejt se dy trajnerët legjendarë të këtij klubi, Bob Paisley dhe Bill Shankly.
Gjermanit iu deshën 181 ndeshje për të arritur te 100 fitore me Liverpoolin kurse Paisley e kishte arritur këtë shifër pas 183 ndeshjeve, derisa Shankly me 186 ndeshje, transmeton KP.
Më së shpejti 100 fitore si trajner i Liverpoolit i ka arritur një tjetër legjendë e klubit, Kenny Dalglish, me 159 ndeshje në stolin e “The Reds”. (b.an)
