Hiqen kontrollet e dyfishta në kufirin Shqipëri-Kosovë.
Lajmi është bërë i ditur nga ministri i Brendshëm, Sandër Lleshaj, i cili konfirmon se qeveria shqiptare ka miratuar nje vendim, i cili lehtëson ndjeshëm lëvizjen e lirë ndërmjet Shqipërisë dhe Kosovës, sipas parimit një ndalesë – një kontroll.
Tashmë, policitë e të dy vendeve do të kryejnë së bashku kontrollet
“Ndryshime të rëndësishme në menaxhimin e kufirit me Kosovën. Kontrollet e dyfishta hiqen. Policitë e të dy vendeve do të kryejnë së bashku kontrollet sipas parimit një ndalesë – një kontroll.
Qeveria miratoi dje vendimin për këtë ndryshim të rëndësishëm, që lehtëson ndjeshëm lëvizjen e lirë ndërmjet Shqipërisë dhe Kosovës.
Por lehtësimi i lëvizjes së lirë nuk mbaron me kaq. Së shpejti ndërmerren hapa shumë më të rëndësishëm, për të vendosur standarde plotësisht evropiane në kufirin Shqipëri – Kosovë”, shkruan Sandër Lleshaj
Javanews/a.çupaj
