Kryeministri Edi Rama ka nisur sot bashkëbisedimin me qytetarët në një transmetim Live në rrjetet sociale.
Duke iu përgjigjur pyetjeve të komentuesve, Rama ka ritheksuar se Partia Demokratike nuk e do reformën në Drejtësi dhe se prej saj mazhoranca nuk ka konsensus.
“Reforma u miratua që shqiptarët të mos zvarritën më. Ligjet do të kalojnë me 84 vota ose më shumë. Unë i qëndroj bindjes se lufta kundër korrupsionit nis me modernizimin e sistemit dhe të shtetit” – tha Rama.
Ecuria e Koalicionit
Kryeministri ka komentuar edhe pyetjet për ecurinë e koalicionit qeverisës që pësoi një krisje të madhe gjatë procesit të miraitmit të reformës në drejtësi. Ai tha se probleme ka, por u shpreh i sigurit se palët do të ulen në tryezë për të diskutuar bashkëpunimin edhe për një mandat tjetër.
“Unë e di shumë mirë që koalicioni ka shumë mbështetës, ka edhe shumë skeptikë, ka jo pak kundërshtarë. Në nivelin strategjik koalicioni i ka bërë dhe po i bën shërbim të madh këtij vendi, me reforma që po hedhin bazën për të bërë shtet. Së shpejti ne do të ulemi në tryezën e koalicionit dhe do të diskutojmë në mënyrë të hapur, në mënyrëkonstruktive dhe kuptimplotë dhe do të vendosemi se si do të paraqitemi para shqiptarëve për mandatin tjetër. Mos harrojmë që koalicioni ka edhe një komponent të ri siç ëhstë PDIU. Koalicioni ka një mbështetje të gjerë”, tha kryeministri Rama.
Korrupsioni
Sa i takon luftës ndaj korruspionit Rama tha se vendi vuan ende nga kjo plagë, por sipas tij janë hedhur hapa para dhe po rrëzohet sistemi i korruptuar.
“Në tërësi janë bërë hapa të rëndësishëm për të çliruar shtetit nga tentakulat e korrupsionit, por sigurisht që ka ende probleme të mëdha, por që kur i përfiton në nivelin e qytetarit janë të padurueshme. Ne jemi të vetëdijshëm për problemeet që kemi edhe në sistemin hipotekor. Por po bëjmë përpjekje për transforimim. Nuk janë njerëzit që korruptojnë sistemin, por është sistemi”, tha Rama.
Ekonomia
Në lidhje me ekonominë, kreu i qeverisë deklaroi se vendi ka nisur të shërohet nga problemet e së shkuarës, edhe pse sipas tij ka ende nevojë për shumë punë. Rama tha se rritja e pagave dhe pensioneve është prioritet por duhen parë mundësitë. Ai tha se me heqjen e taksës së sheshtë njerëzit realisht kanë rroga më të larta pasi paguajnë më pak taksa.
“Një temë tjetër e rëndësishme është ekonomia. Unë do fokusohesha për rrogat dhe pensionet, që është shqetësimi im i parë, është shqetësimi ynë i përbashkët, për të shkruar drejt krijimit të kushteve për të rritur rrogat dhe pensionet. Mos harrojmë që me heqjen e taksës së sheshtë, ne realisht kemi rritur rrogat, që në kuptimin kemi shtuar para në xhepin e qytetarëve me rreth 7 %, është rritje reale”, tha më tej ai.
/r.a
Vijon…
