Tirana po mirëpret sot samitin e radhës, atë të BE-Ballkani Perëndimor.
Ashtu siç ishte parashikuar, në orën 09:30 ka nisur pritja e liderëve në Pallatin e Kongreseve nga kryeministri Edi Rama.
Ndërkohë që rreth orës 10:00 pjesmarrësit janë ulur në tryezën e samitit ku fjalën hapëse e ka mbajtur kryemnistri shqiptar.
“Unë e pranoj se ndryshe nga Shqipëria disa nga vendet e rajont përballen me çështje komplekse midis tyre, megjithatë bëj thirrje t’i lëmë pas këto.
Çështjet dypalëshe duhen zgjidhur përmes bashkëpunimit dhe dialogut dypalësh. 10 vjet më parë, udhëheqësit e BP u takuan në zyrën e kancelares në Berlin. Objektivi nuk ishte për t’u marrë me plagët e së shkuarës, por me të ardhmen.
Gjatë këtyre 10 vjetëve Procesi i Berlinit na ka dëshmuar se sa më e lehtë të thuash se të bësh është sigurimi i lëvizjes së lirë të njerëzve, mallrave dhe kapitalit”, tha Rama.
/a.r
