LIVE! “Lajme të mira nga fronti i Negociatave”, Rama: Kalendari i punëve të mandatit të katërt…

Kryeministri Edi Rama i rikthehet rubrikës “Sy m’sy” pas zgjedhjeve të 11 majit, këtë herë si fitues i një mandati të katërt historik për PS. Ashtu sikurse herët e tjera, bashkëbisedimi me ndjekësit nisi në orën 08:30.

Rama tha se ndodhen në një moment reflektimi ndërsa tha se së shpejti do të marrin lajmin për të hapur një tjetër grupkapitujsh të negociatave.

“Kemi lajme të mira nga fronti i negociatave, urojmë shpresojmë dhe besojmë që së shpejti do të marrim lajmin e hapjes së një tjetër grup kapitujsh dhe sipas ambicies dhe planit të hapim edhe grupkapitullin e fundit, që t’i kemi të gjitha të hapura. Ndërkohë samiti i Komunitetit Politik Evropain ka qenë sukses i jashtëzakonshëm, fantastik pa bërë asnjë ekzagjerim, jehona e të cilit në korridoret e politikës evropiane vazhdon. Kemi filluar punën për samitin e NATO-s, në dukje ka kohë por në fakt kjo është mënyra se si punohet për samitet e NATO, fillon puna dy vjet përpara. Pasi ka ardhur grupi i inspektimit nga qendra e NATO-s në Bruksel për të parë të gjitha opsionet dhe për të inventarizuar të gjitha kushtet dhe mundësitë e infrastrukturës së mikpritjes dhe logjistikës. Topi është në fushen tonë për të shkuar përsëri në qendër me një masterplan të përgjithshëm të organizimit. Ndërkohë jemi në një diskutim së fundmi për të sjellë në Tiranë 95% në Tiranë, sepse jemi duke diskutuar si opsione dhe Durrësin dhe Vlorën, edicionin evropian të çmimit të globit të futbollit, eveniment i jashtëzakonshëm që mbahet në mënyrë të përvitshme sa i përket vetë edicionit global në Dubai dhe për edicionin evropian, organizatorët janë në një diskutim me Madridin dhe me ne. Kemi shumë arsye të besojmë se zgjedhja do të bjerë mbi ne dhe do të jetë fantastike që psh çmimin e futbollistit më të mirë të vitit nga Globe Soccer Yamalit fjala vjen t’ja japim këtu në Tiranë. Po punojmë edhe me Padel International, është një tjetër aktivitet i jashtëzakonshëm që ka mbulim të jashtëzakonshëm mediatik në të gjithë botën dhe po punojmë që të sjellim në Shqipëri një edicion të tij.”, tha Rama.