Vala e re e Covid ka ardhur më herët se vjeshta. Pohimi u bë sot nga ministrja Ogerta Manastirliu në mbledhjen e Komitetit Teknik të Ekspertëve. Ajo apeloi edhe një herë për t’u vaksinuar dhe se refuzimi i kësaj arme mbrojtëse vë në rrezik jetën e të gjithëve.
Ndërkohë, ministrja shtoi se varianti Delta i Covid po përhapet me një shpejtësi të frikshme kudo. Sa i përket gjendjes në spitale, Manastirliu u shpreh se tek Infektivi janë rreth 100 pacientë. Prej tyre, 17 ndodhen në terapi intesive, tha Manastirliu.
“Shtatori do të jetë muaji i dytë i hapur për vaksinim. Mbi 625 mijë qytetarë janë vaksinuar me të dyja dozat” – tha kreu i Shëndetësisë.
/a.r
