Nga Kapela Sistine ka dalë tym i bardhë, çka do të thotë se konklava ka arritur dakordësi për të zgjedhur Papën e ri që do të pasojë Papa Françeskun.
Por, asgjë nuk i lihet rastësisë në ritet e Kishës, si të ishte një film që jepet në kinema, ku çdo gjë është e menduar në detaje. Siç janë dhe lotët e Papës së ri.
Emocioni i madh, hutimi, kuptimi i peshës së përgjegjësisë për marrjen përsipër e rolit të drejtuesit botëror të Kishës mund të shkaktojnë lotë, të cilat mund të derdhen vetëm në dhomën e lotëve. Kjo dhomë është një ambient i vogël, i pozicionuar në të majtë të altarit të Kapelës Sistine. Në këtë dhomë ama Papa nuk mund të hyjë në çdo orar që dëshiron ai, por gjithçka është e planifikuar me minutash, që përfshihet përgjatë orës nga faza e pranimit deri tek veshja si Papë. Ky ambient njerëzor lejon shfryrjen e mbingarkesës emocionale dhe rifitimin e qetësisë së nevojshme për t’u shfaqur para botës.
Pas kësaj rutine, Papa përgatitet me veshjen e posaçme dhe del tek Lozha e Bekimeve në Bazilikën e Shën Pjetrit. Nga kjo Lozhë, Papa Françesku u kërkoi besimtarëve që të luteshin për të. Tanimë kjo Lozhë është gati me perdet e kuqe, të cilat priten të hapen për Papën e ri.
