Kryetari i Listës Serbe, Goran Rakiç, ka thënë se serbët nuk do të jenë pjesë e qeverisë Haradinaj.
Ai ka thënë se qeveria në Prishtinë nuk do të ketë mbështetjen e Listës Serbe dhe se “shqiptarët tashmë do të bashkohen rreth interesave të vet sidomos kundër shqiptarëve”.
Këto deklarata Rakiç i dha të martën në Beograd, pas takimit me presidentin e Serbisë Aleksandar Vuçiç, një ditë pas arrestimit të Marko Gjuriçit në veri të Kosovës.
“Jemi dëshmitar që pas ngjarjeve të djeshme të Mitrovicë dhe dhunës ndaj përfaqësuesve të Republikës së Serbisë, ne si përfaqësues legalë të serbëve në Kosovë nuk mund të jemi memecë ndaj kësaj, ajo çfarë ndodhi dje vërtet për secilin për ne ishte e tmerrshme kur ROSU dhunon njerëzit dhe kjo ishte arsyetimi i tyre që nuk pranuan kërkesën për vizitën në territorin tone. Dje kam thënë se arsyeja për sulmin e policisë në veri ishte e kote. Dua të them se Lista Srpska do të dalë nga qeveria dhe ata nuk do ta kenë më përkrahjen tonë, e dimë se ata do të bashkohen rreth interesave të veta, sidomos kundër serbëve ata bashkohen lehtë por do të bashkomi edhe ne”, ka thënë ai.
Në Prishtinë ende nuk ka ndonjë reagim zyrtar rreth këtij vendimi. Mbetet të shihet nëse Largimi i Srpska’s do ta çojë vendin në zgjedhje pasi koalicioni tashmë ka humbur shumicën, apo Qeveria Haradinaj do të afrojë aleatë të rinj./a.m.
