Nis protesta e opozitës para Parlamentit Europian, ku kërkojnë lirimin e kryetarit të Partisë Demokratike dhe të Ervin Salianjit, i cili ndodhet në burgun e Fierit.
Ndërkohë policia belge ka marrë masa duke rrethuar zonën.
Demokratët udhëtuan një ditë më parë drejt Strasburgut për të bindur Parlamentin Europian se në Shqipëri po shkelen të drejtat e opozitës dhe po cenohet demokracia përmes arrestimeve politike, raporton në radhët e opozitës Top Channel.
Nga pamjet e siguruara nga Top Channel shihet që policia ka rrethuar zonën ku do të zhvillohet protesta.
Agjenda e demokratëve është e ndarë në dy pjesë; një grup deputetesh do tubohet me mbështetës nga diaspora më pankarta në duar në mënyrë simbolike jashtë dyerve të PE, ndërsa grupi i dytë i ligjvënësve do të lobojë tek zyrtarë të lartë europianë për t’i ndërgjegjësuar mbi situatën politike në Shqipëri, raporton Top Channel.
Takimet nisën ditën e djeshme ku deputet të grupit parlamentar të grupit Parlamentar të Partisë Demokratike si Gazment Bardhi, Flamur Noka, Jorida Tabaku, Agron Gjekmarkaj dhe Albana Vokshi, u takuan me eurodeputetët Sandro Gozi dhe Oihane Agirregoitia Martínez, përfaqësues të grupit parlamentar “Renew Europe”.
/a.r
Na turpëruat në sytë e botës more bastardë. Mirë që këtu ka ndonjë ( disa me interes vetjak e disa ne budallëk vetjak), që ju merr seriozisht. Po në BE mendoni që ju besojnë për këtë kauzë që keni shpikur? BE-ja nuk ia fishkëlleu Greqisë për Belerin duke i thënë qartësisht që nuk ndërhyjmë në drejtësinë e një vendi sovran. Dhe Micotaqis e tërhoqi veton për negociatat me bisht ndër shalë. Tani dilni ju që protestoni për të liruar politikanë të akuzuar nga drejtësia që SHBA dhe BE kanë investuar fuqishëm.. Ah, mjerë ne për ju që na keni rënë për hise.