U ndalua nga policia e Durrësit me akuzën e tentativës së vrasjes brënda familjes dhe helmimit ndaj vjerrës së saj, Krimet e Rënda i rikthejnë lirinë 19 vjecares Elida Tanushi.
Ka qenë gjyqtarja Ilirjana Olldashi e cila ka caktuar ndaj të resë masën e sigurisë arrest në shtëpi duke urdhëruar lirimin e menjëhershëm të saj.
Ndërkohë edhe Prokuroria është pajtuar me këtë masë të kërkuar prej vetë asaj, kjo bazuar dhe në gjëndjen emocionale të Tanushit dhe kushteve të rënda psikologjike në të cilat ajo ndodhet.
Në sallën e gjykimit e reja ka pranuar konfliktet me vjerrën dhe vjerrin por ka mohuar se ka patur qëllim për të vrarë ata duke i helmuar.
19 vjeçarja, Elida Tanushi u arrestua pak ditë më parë nga policia e Durrësit, pasi tentoi të helmonte vjehrrën e saj.
Ajo ia ka hedhur vjehrrës një sasi helmi në gotën e kosit, fatmirësisht vjehrra e saj nuk ka shqetësime serioze për jetën.
a.ç
