Presidenti i Republikës Ilir Meta është vënë në lëvizje pas lajmit për lirimin pas 17 vitesh burg të njërit prej autorëve të vrasjes së komisarit Arben Zylyftari, shtetasit Genc Tafili, vëllai i Admir Tafilit i dënuar përjetë.
Presidneti ka urdhëruar verifikim urgjent të rastit nëse janë respektuar pocedurat ligjore nga ana e gjykatës. Tafili ka vuajtur 17 vite burg ndërkohë ai rezulton i dënuar me 25 vite.
Deklarata e presidencës:
Presidenti i Republikës, me cilësinë e Kryetarit të Këshillit të Lartë të Drejtësisë, pasi u njoh me lajmin dhe reagimin publik të institucionit të Prokurorisë, për veprimtarinë e Gjykatës së Rrethit Gjyqësor Krujë, në lidhje me lirimin e shtetasit Genc Tafili, ka urdhëruar menjëherë Inspektoriatin e Këshillit të Lartë të Drejtësisë, që në përputhje me kërkesat e ligjit, të fillojë urgjentisht verifikimin e rastit në fjalë dhe veprimtarinë proceduriale të kësaj gjykate.
Presidenti i Republikës garanton se pretendimet e institucionit të Prokurorisë do të verifikohen nga Inspektoriati dhe Këshilli i Lartë i Drejtësisë, në përputhje me kushtet dhe kriteret e ligjit.
Presidenti i Republikës mbështet të gjitha institucionet ligjzbatuese dhe Prokurorinë në veprimtarinë e tyre, në luftën kundër krimit dhe sundimit të ligjit.
/a.m.
