Një javë pas lirimit nga Gjykata e Apelit të Krimeve të Rënda, Domart Konjari i akuzuar për falsifikim letërnjoftimesh dhe ushtrim ndikimi të paligjshëm është paraqitur sot në prokurorinë e krimeve të rënda.
Bashkë me avokatin e tij, Konjari është paraqitur në prokurori sipas kërkesës së vendimit të gjykatës “detyrim paraqitje”. Sipas këtij vendimi Konjari dhe avokati kanë detyrim për tu paraqitur një herë në javë në prokurori
Ndërkohë në gjykatën e shkallës së Parë dhe në Apelin e krimeve të rënda kanë shkuar inspektorë të Ministrisë së Drejtësisë që do të verifikojnë vendimin e lirimit të Domart Konjarit pavarësisht faktit se ndaj tij ka një dënim me dhjetë vjet burg në Francë për trafik droge.
Për këtë çështje reagoi edhe ambasadori francez në Tiranë një javë më parë.
Panorama
