Gjatë një takimi me shoqërinë civile, ekspertë dhe përfaqësues të ndryshëm, kreu i KQZ Ilirjan Celibashi i bëri thirrje partive politike të lënë mënjanë dallimet dhe interesat e ngushta partiake, duke theksuar se bashkëpunimi dhe përgjegjësia institucionale janë thelbësore për të çuar përpara Reformën Zgjedhore
“Është rasti për të tejkaluar dallimet mjaft të thella antagoniste me qëllime politike që ato kanë dhe të punojmë për reformën zgjedhor. Është interesi i tyre së pari për të përcaktuar rregullat për garën e ardhshme elektorale ,por natyrisht është dhe interesi i qytetarëve dhe në fund të fundit dhe i institucionit që merret me administrimin e procesit zgjedhor sepse ne kemi nevojë për qartësim të këtyre rregullave kohë përpara se të zhvillohet procesi”, deklaroi Celibashi.
Ish kreu i KQZ-së Kristaq Kume u shpreh se Reforma Zgjedhore duhet të ndërtohet përmes një procesi të hapur dhe profesional ku qytetarët dhe ekspertët të kenë rol aktiv për të garantuar cilësi dhe transparencë
“Ç’ka ne kërkuam të bëhet, të jetë produkt i të gjithëve të cilët kanë mundësi dhe duan të jenë pjese e saj. Thirrja jonë ka qenë që ditën e parë që ne e kemi bërë publike këtë nismë për të gjithë aktorët jo politikë të vendit që të bëhen bashkë”, deklaroi Kume.
Shoqëria civile ekspertë dhe aktorë të ndryshëm u bënë bashkë në këtë takim për të diskutuar hapur mbi drejtimet kryesore të Reformës Zgjedhore dhe për të dhënë ide konkrete për përmirësimin e legjislacionit zgjedhor.
