Lideri i Nismës për Kosovën, Fatmir Limaj ka thënëse po të kishte shkuar për zbatim marrëveshja për Asociacionin e Komunave Serbe në Kosovë, atëherë do të përmbysej rendi juridik në shtetin e Kosovës. “Kjo marrëveshje e parimeve, po të kishte shkuar ashtu siç ishte nënshkruar do të thoshte përmbysje e rendit juridik në shtetin e Kosovës”, tha Limaj në televizionin publik.
Sipas Limajt, nga kriza e thellë politike ku është futur Kosova, dilet me respektimin e vendimit të Gjykatës Kushtetuese për Asociacionin nga koalicioni qeverisës duke dhënë dorëheqje. “Nga kriza e thellë dilet me gatishmërinë e koalicionit qeverisës që të respektojë vendimin e Gjykatës Kushtetuese duke dhënë dorëheqje. Të dy, edhe Thaçi edhe Mustafa kanë thënë se do të japin llogari”, tha Limaj.
