Sulmin ndaj objektit të Kuvendit të Kosovës dhe disa zyrave që i takojnë Presidencës në këtë objekt e ka dënuar edhe kryetari i Nismës për Kosovën, Fatmir Limaj. Ai me anë të një postimi në Facebook ka shprehur shqetësimin e tij, të cilin e ka cilësuar sulm vandal.
Limaj ka kërkuar nga organet përgjegjëse që kryesit e këtij sulmi ti sjellin para drejtësisë.
Ja postimi i plotë i Fatmir Limajt në Facebook:
Shpreh shqetësimin tim dhe e dënoj sulmin vandal ndaj ndërtesës së Presidencës së Republikës së Kosovës, duke e cilësuar këtë sulm si veprim të papranueshëm që dëmton pronën publike dhe krijon pasiguri për qytetarët e Republikës së Kosovës.
Kërkoj nga policia dhe organet e drejtësisë që të hetojnë sulmin dhe t’i sjellin sa më parë para drejtësisë kryesit e kësaj vepre”, shkruan në llogarinë e tij në Facebook.
