Shqiptari, Renato Alijaj, 29vjec, gjëndet i shtruar në gjëndje të rëndë shëndetësore në repartin e terapisë intensive në spitalin Cardarelli të qytetit të Napolit në Itali, pasi është goditur mbi 30 herë në trup nga një pushkë gjahu.
29- vjeçari shqiptar është braktisur i plagosur rëndë nga një makinë tip BMË në hyrje të klinikës “Villa dei Fiori” në komunën Acerra rreth orës 4.30 të mëngjesit të ditës së martë.
Gjëndje shëndetësore mjaft kritike e shqiptarit ka detyruar transferimim e tij në spitalin Cardarelli të Napolit.
Sipas hetimeve të para të Policisë italiane, mësohet se në automjetin BMË së bashku me shqiptarin po udhëtonin dhe dy persona të tjerë me fytyrat e mbuluara me maska.
Mendohet se shqiptari Renato Alija është pjesë e një bande grabitësish që gjatë natës së martës është plagosur rëndë gjatë një vjedhje të përfunduar keq dhe e kryer në provincën e Napolit.
29 vjecari Renato Alija deri më vitin 2014 rezulton rezident në qytetin e Peruxhias, e më pas nuk ka asnjë të dhënë mbi vendbanimin e tij në Itali.
Gjëndja shëndetësore e shqiptarit është mjaft e rëndë e deri më sot asnjë i njohur apo familjarë i shqiptarit është interesuar në spitalin e Napolit.
Policia italiane po punon për zbardhjen e kësaj ngjarje.
Lihet në mëshirë të fatit, shqiptari me 30 plagë arme në trup
