Gjykata Kushtetuese rrëzon Presidentin, Bujar Nishani, për ligjin e “Pronave”, si dhe deputetët e PD-së. Gjykata Kushtetuese bëri të ditur sot pasdite se ka rrëzuar kërkesën e Presidentit dhe deputetëve të PD-së për pezullim të zbatimit të ligjit. Presidenti, Bujar Nishani, iu drejtua Gjykatës Kushtetuese, duke kërkuar rrëzimin e ligjit të Qeverisë për pronat, pasi, sipas tij, ai ishte i papajtueshëm me Kushtetuten. Beteja e tij kundër ligjit nisi me dekretin për kthimin e tij në Kuvend në fund të dhjetorit, ku argumentonte se ligji në tërësinë e tij, cënon parimet bazë kushtetuese të sigurisë juridike, barazisë para ligjit të ish-pronarëve, prish konceptin e ekonomisë së tregut, si dhe bie ndesh me vendimet e Gjykatës Kushtetuese dhe standardin e vendosur nga Gjykata Europiane e të Drejtave të Njeriut. Vlera e kompensimit, argumentonte Presidenti, bën të pabarabartë përpara ligjit ish-pronarët.
President + PD
Pas Presidentit të Republikës Bujar Nishani edhe PD-ja ankimoj në Gjykatën Kushtetuese ligjin “Për pronat”. Dy deputetët e PD-së, Jorida Tabaku dhe Oert Bylykbashi, ashtu si dhe Presidenti I kërkuan Gjykatës Kushtetuese që të rrëzojë ligjin “Për pronat”. Në dokumentin ankimues që iu orëzua Gjykatës Kushtetuese demokratët pretendonin se ky ligj sanksionon moskompensimin e pronarëve duke shkelur rëndë të drejtat legjitime të pronarëve. Sipas PD-së, ligji bie në kundërshtim të hapur me angazhimet dhe detyrimet e Shqipërisë para Këshillit të Europës, si dhe është në kundërshtim të plotë me jurisprudencën e Gjykatës Europiane të të Drejtave të Njeriut. PD kërkoi rrëzimin e ligjit, si dhe rikthimin edhe një herë në Kuvend për hartimin e një ligji të ri.
Manjani
Nga ana tjetër dhe ministri i Drejtësis, Ylli Manjani, në lidhje me ankimimin që Presidenti i Republikës, Bujar Nishani, bëri në Gjykatën Kushtetuese, kundër ligjit të pronave, u shpreh se nëse Gjykata Kushtetuese do të merrte një vendim për të pezulluar “Ligjin për Pronat”, ky do të ishte “një vendim katastrofik”. “Masa e pezullimit do ishte e pavend. Një vendim i tillë do të bllokonte 25 milion dollarë fond kompensimi për ish- pronarët, do të bllokonte mijëra hektarë tokë për kompensim, do të bllokonte shqyrtimin e mijëra dosjeve. Nëse do të merrej një vendim për pezullim do të sillte një ngërç. Pork jo nuk është thjeshtë çështje e qeverisë, por e shoqërisë”, ka theksuar Manjani. Sipas tij, pezullimi do të ishte katastrofik, pasi nuk ka asnjë rresht në Kushtetutë që të bllokojë zbatimin e ligjit dhe të akteve.
Përfundimisht Gjykata Kushtetuese vendosi të rrëzojë kërkesën për pezullim. Pas këtij vendimi mbetet i pakuptueshëm fakti se pse Presidenti vendosi të merte vetë një nismën për të kundërshtuar ligjin në Kuvend? Ishte një bast që ai institucionalisht dukej se nuk duhej ta vinte.
(javanews.al) Me. Ar
