Partia demokratike nuk do të marrë pjesë në seancën parlamentare të së enjtes ku do votohet pr/ligji për mbylljen e lojërave të fatit.
Arsyeja sipas deputetes së partisë demokratike dhe nënkryetares së Komisionit të Ekonomisë Jorida Tabaku është se në 1 janar ligji nuk do të zbatohet. E gjithë kjo nismë ligjore e shpejtuar dhe e paparashikuar sipas Tabakut, bëhet për të favorizuar kompaninë e cila ka përfituar licencën për të luajtur online.
Sipas saj, kompania në fjalë e ka përfituar të drejtën nëpërmjet një koncesioni 30-vjeçar. Sipas Tabakut, mungesa e vullnetit politik të qeverisë bëri që numri i pikave të basteve në këto vite të rritej vazhdimisht. (BW)
