Shoqata e Ricikluesve ka zhvilluar një protestë para Kryesisë së Kuvendit duke kërkuar miratimin e ligjit për importin e mbetjeve, pas kthimit nga Presidenti.
Importuesit me pankarta në duar kanë kërkuar që ligji të miratohet sa më shpejt, pasi sipas tyre po bëhet pazar elektoral me një të drejtë kushtetuese për përpunimin e lëndëve të para.
Njëri nga pjesëtarët e Shoqatës së Importuesve, Bardhyl Balteza shprehet se “Pa industri riciklimi nuk ka Shqipëri të pastër.
Nuk do të importojmë plehra, por lëndë të parë. Mbetjet nuk jane plehra. ‘JO’ mbylljes se impianteve tona.
E drejta kushtetuese për përpunimin e lëndëve të para po bëhet pazar elektoral.
Një ligj që është me linje me BE të bëhet kurban i një pjese të vogël të elektoratit.
Ky ligj të kaloje sa më parë. Ne e pastrojmë këtë vend cdo ditë. Prodhojmë produkte dhe taksa për vendin” deklaron ai.
Ndërsa Vullnet Haka thotë se ne po e pastrojmë tokën, ujin dhe ajrin nuk po e ndotim dhe se ky ligj do të jete i kontrolluar që askush të mos fshihet pas mbetjeve për të sjellë plehrat.
Ligji pritet të futet në rendin e ditës në Kuvend, pas kthimit nga Presidenti, ndërsa Shoqëria Civile dhe PD e kundërshtojnë.
shqiptarja.com/d.i.
