Gjatë konferencës së përbashkët për shtyp me Hashim Thaçin, Presidenti Bujar Nishani foli edhe për çështjen e ligjit të mbetjeve, ndonëse nuk dha një opinion të qartë.
Nishani tha se ligji po studiohet nga specialistët dhe këshilltarët juridikë dhe se ai do të flasë vetëm në fund, pasi të jetë konsultuar me të gjithë.
“E sigurt që do të ketë një qëndrim, por presidenti do të flasë i fundit, aktualisht specialistët dhe këshilltarët juridikë janë duke punuar. Po konsultohen me Shoqërinë Civile dhe është shumë e rëndësishme që cështje kaq të mëdha madhore që lidhen me interesa qytetarë e të publikut ne t’i orientojmë drejt kësaj zgjidhje, drejt interesit të qytetarit, e publikut”.
Kryetari i shtetit shqiptar tha më herët se Shqipëria do të vijojë mbështetjen e Kosovës në të gjitha proceset integruese.
“Në takimet që patëm ne përcollëm me emocion të vëeçantë gjithçka që Shqipëria dhe Kosova kanë arritur në përpjekjet e vazhduara në rrugëtimin e gjatë drejt integrimit. Në axnëhndë e vizitës, në përbërje të dy delegacionevejanë përfshirë edhe ministrat ë dy qeverive tona, çka e bën axhendën e bisedimeve më konkrete dhe impenjative. Përfshirja e minsitrave të Bujqësisë, dhe Infrastrukturës, sidomos, tregon për rëndësinë e bashkëpunimit mes dy vendeve tona në këto fusha, si dhe impkatin e këtyre sektorëve3 në zhvillimin e vendeve tona. Me rëndësi janë dhe takimet e përbashkëta të dy qeverive tona”, tha Nishani.
Nga ana e tij, Presidenti i Kosovës, Hashim Thaçi, deklaroi se mbështetja e Shqipërisë ka qenë jetike dhe vendimtare për avancimin e Kosovës, ndërsa shtoi se marrëdhëniet mes dy vendeve kanë arritur tashmë dimensionin e një partneriteti të fuqishëm strategjik.
Duke u ndalur tek çështjet e brendshme të Kosovës, i pari i shtetit të të Kosovës shprehu bindjen e përfundimit me sukses të demarkacionit me Malin e Zi dhe sigurinë që marrëdhëniet me fqinjët nuk do jenë pengesë që Kosovës t’i liberalizohen vizat.
Thaçi tha më tej se “Shkëmbimet tregtare kanë arritur në kuotën e 200 milionë eurove. Shqipëria është destinacioni kryesor i kosovarëve me shpresën që kualiteti i të rritet”.
“Marrëdhëniet me fqinjët nuk do jenë pengesë që Kosova të vijojë me liberalizimin e vizave…Demarkacioni do përfundojë me sukses. Po implementojmë marrëveshjet e arritura në Bruksel me Serbinë”.
