Ben Blushi i është referuar ligjit të shumëdebatuar të mbetjeve urbane duke thënë se nuk është mungesa e votave ajo që e shtyn maxhorancën që të mos sjellë në parlament dekretin e Presidentit Nishani për këtë ligj, por frika ndaj qytetarëve.
Blushi i ka kërkuar të gjithë deputetëve që ta provojnë me votë këtë të enjte, se kush është “në kazan” dhe kush jashtë tij.
Kreu i LIBRA-s ka thënë se një mik i tij i kishte treguar për bisedën që kishte patur me kryebashkiakun e Korfuzit.
Ky i fundit i kishte kërkuar se kur do të miratohej ligji i mbetjeve, që ata të sillnin plehrat e tyre në Sarandë.
Fjala e Ben Blushit
Si të gjithë ata që janë te dera e parlamentit sot, edhe unë kam ardhur për të votuar kundër ligjit të mbetjeve, i cili ishte parashikuar të ishte në këtë seancë, dhe akoma nuk ka një arsyetim të bindshëm, se pse dekreti i Nishanit që rrëzon sot këtë ligj nuk është këtu për votim.
Pse dekreti nuk është në seancë. Shqiptarët e kuptojnë se sa të pabesueshëm dhe cinikë janë këta që mbrojnë mbetjet.
Silleni ligjin në seancë e të ndahen në këtë parlament kush është pro importit të mbetjeve e kush kundër. Keni nja 2 muaj që jetoni në kazan. E di pse nuk e sillni ligji sot, sepse nuk është se unë besoj se s’keni votat, se vota keqbërësish ka me shumicë në parlament, nuk e sillni për shkak të presionit popullor që është mbledhur te dera e parlamentit e nuk e respektoni.
E dyta se ka një palë që nga frika e këtij presioni kërkon ta modifikojë ligjin, gjë që bie në kundërshtim me procedurën parlamentare. Ligji nuk mund të modifikohet pa kaluar dekreti i Presidentit
Përreth nesh janë përgatitur të gjithë kazanët e Italisë dhe Greqisë Veriore për tu derdhur në Shqipëri. Më thoshte një mik se kryetari i bashkisë i Korfuzit e pyeste kur do ta votoni atë ligjin se na mbetën plehrat. Se I bie më lirë ti djegë në Sarandë dhe jo në Korfuz.
Nuk besoj se BE mund ti kërkojë Shqipqërisë të hapë dyert për mbetjet e europës, përderisa ajo nuk kapacitet… e për më tepër ka më shumë mbetje se çi duhen, që bizneset të dalin me fitim apo rentabilitet.
E dini që Shqipëria po kap vendin e parë për rritjen e sëmundjeve kancerogjene. Për fat të keq numri i pacientëve po ulet… po ulet mosha, po shkon në 20 vjeçm 30 vjeç! Po për cfarë po rritet numri,…. Ju e dini, po sigurisht që e dini ju. Nga ndotja e atmosferës, nga ndotja e ujit, nga ushqimi etj.
Shpresoj që tmos jetë e vërtetë, por më rezulton. Buxheti i vitit të ardhshëm, po përgatitet që të jepet me koncension laboratori ku do të bëhen analizat e mbetjeve.
8 mln euro në vit është fatura e parashikuar në buxhetin e 2017.
6 miliard është fondi që do t’i jepet universiteteve. E imagjinoni që këtu paratë jepen në mënyrën më të gabuar të mundshme?
Do ju them se çfarë më tha një burrë tek njësia 6. Kishte punuar gjithë jetën në bujqësi. E dini sa e kishte pensionin? 51 mijë lekë. Dhe më tha tju pyes sesa shumë do e rrisni ju pensionin. 3% i 51 mijë lekëshit sa është?! Se ju kaq do e rrisni! Është i papërfillshëm.
Dhe për ta mbyllur këtë muhabet. Më tha se çfarë pune kishte bërë. Kazmatollog ishte… kishte hapur kanalet ujitëse të këtij vendi, për bujqësinë e vendit. E pra dhe ju kështu jeni, kazmatologë.
