Shkollat profesionale do të kalojnë në njësi autonome financiare me ligjin e ri për arsimin profesional.
Kjo deklaratë u bë e ditur nga vetë Ministri i Mirëqenies Sociale dhe Rinisë, Blendi Klosi gjatë një mëngjesi pune me përfaqësuesit e biznesit dhe dhomave të tregtisë për diskutimin e ligjit të ri të arsimit profesional.
“Ligji i ri i arsimit profesional bën ligjore lidhjen mes arsimit profesional dhe biznesit. Sipas këtij ligji, nxënësit gjysmën e kohës së shkollës do e kalojnë pranë biznesit. Praktika në biznes është në interes të nxënësve dhe biznesit. Po ashtu, shkollat profesionale kalojnë në njësi autonome financiare. Kjo do të rrisë cilësinë e mësimdhënies. Qëndrat e Formimit Profesional nuk do të zhvillojnë më kurse nëse nuk porositen nga biznesi. Të trajnuarit në qendrat tona të formimimit profesional, do të jenë punonjësit e ardhshëm të bizneseve”, tha Klosi.
Po ashtu, ai shprehu mbështetjen e tij ndaj ideve të biznesit dhe zhvillimin e tyre pranë qendrave të formimit. Ai ripërsëriti edhe njëherë se në shtator do të dyfishohet numri i nxënësve në arsimin profesional.
Përfaqësuesit e biznesit vunë në dukje interesin e lartë për nxënës të kualifikuar, ndërkohë që thanë se duhet të rritet cilësia e shkollave.
Nga ana e tij, kreu i Biznes Albania, Luan Bregasi tha nga ana e tij, se nxënësit më të mirë do të specializohen jashtë vendit./a.m.
