Nga Ilir Beqaj*
Ligji aktual i metrologjisë, nr. 9875, daton 14 shkurt 2008
Sipas atij ligji e deri më sot, autorizimi, ky instrument i të drejtës administrative, kaq heretik sipas Ilir Metës, sot President i Republikës, është përdorur pikërisht për të autorizuar subjekte privatë që mund të kryejnë shërbime të metrologjisë ligjore.
Neni 3 Përkufizime
- “Autorizim” është dhënia e së drejtës për të kryer shërbime të meteorologjisë ligjore të instrumenteve matëse në sferën e detyrueshme, subjekteve publike dhe private, vendase ose të huaja, që kryejnë veprimtari në Republikën e Shqipërisë.
DHËNIA E AUTORIZIMIT
Neni 40
Autorizimi i personave juridikë dhe fizikë për të kryer veprimtari në meteorologjinë ligjore
- Drejtoria e Përgjithshme e Meteorologjisë jep autorizimin, në përputhje me këtë ligj dhe me rregulloret e nxjerra në zbatim të tij.
- Drejtori i Përgjithshëm i Drejtorisë së Përgjithshme të Meteorologjisë mund të autorizojë një person juridik, që plotëson kushtet e përshkruara, për të realizuar verifikimin e instrumenteve matëse ligjërisht të kontrolluara dhe ekspertizën meteorologjike, kur kjo drejtori nuk ka mundësi t’i realizojë këto detyra.
- Drejtori i Përgjithshëm i Drejtorisë së Përgjithshme të Meteorologjisë mund të autorizojë një person juridik apo fizik për shërbimin e riparimit të instrumenteve matëse. Shërbimi i riparimit të këtyre instrumenteve është i ndaluar të kryhet nga Drejtoria e Përgjithshme e Meteorologjisë dhe personi i autorizuar për verifikimin e instrumenteve matëse.
- Ngarkohet ministri përgjegjës për ekonominë të nxjerrë rregullore për autorizimin e personave juridikë për kryerjen e veprimtarive në meteorologjinë ligjore dhe për autorizimin e personave juridikë dhe fizikë për kryerjen e shërbimit të riparimit të instrumenteve matëse.
Sot, sipas Ilir Metës president, “autorizimi” qenka pjesë e korrupsionit parlamentar.
Po shtroj disa pyetje
Në shkurt 2008 a ka qënë Ilir Meta si deputet, kur ka votuar pro këtij ligji, pjesë e ndonjë korrupsioni parlamentar?
Nëse autorizimi qenka instrument antikushtetues, pse nuk e ka paditur ligjin 9875 deputeti Ilir Meta në Gjykatën Kushtetuese në atë kohë?
Po në periudhën shtator 2010- janar 2011, zv/kryeministri dhe ministri athershëm i industrisë, tregëtisë dhe energjitikës Ilir Meta si ministër përgjegjës për çështjet e metrologjisë, pse nuk ka ndërmarrë asnjë nismë ligjore për të ndryshuar ligjin 9875 nëse ndjente se kishte elementë antikushtetues?
A ka qënë Ilir Meta, ministër i athershëm pjesë e ndonjë korrupsioni qeveritar që lejonte dhënien e autorizimeve pa garë duke cënuar parimet e konkurrencës së lirë?
A ka përgjegjësi politike Ilir Meta si kryetar i LSI-së edhe në 23.05.2012, kur ministri i athershëm përgjegjës për metrologjinë ka nxjerrë urdhërin nr. 436 “Për përcaktimin e numrit të subjekteve ligjore të autorizuara për kryerjen e shërbimeve në fushën e metrologjisë ligjore”?
A ka lejuar apo mbështetur politikisht Ilir Meta i athershëm korrupsion qeveritar me praktika të tilla?
A ka përgjegjësi politike Ilir Meta, për Urdhërat e nxjerrë nga drejtorët e metrologjisë GR dhe AK në 5 mars 2010, 20 qershor 2012 dhe 19 mar 2013 për dhënie autorizimesh subjekteve private?
Nëse ka nevojë të rifreskojë kujtesën mund të vendos në dispozicion kopje të këtyre urdhërave.
Kolege dhe kolegë,
Në mbledhjen e të mërkurës u përpoqa t’ju shpjegoj aspektin ligjor të përdorimit të “autorizimit” sipas të drejtës administrative, bazuar më shumë në eksperiencën vetjake në administratën publike tashmë 30 vjeçare.
Sot u përpoqa t’ju paraqes një retrospektivë të marrdhënies së Ilir Metës në vite edhe me metrologjinë.
Është e qartë se cfarë ka parashtruar në arsyetimin e kthimit të ligjit nuk qëndrojnë.
Unë trishtohem kur shoh se si keqpërdor, presidenti i vendit tim, institucionin e presidencës, për lojra meskine politike.
Për sa më sipër ju ftojmë ta rrëzojmë me votë këtë dekret për t’ia përcjellë seancës plenare.
*Fjala në Kuvend
