Një grup studentësh kanë protestuar ditën e sotme përpara Kuvendit të Shqipërise ndaj Reformës për Arsimin e Lartë. Protesta madje a përshkallëzuar edhe në konflikt fizik mes forcave të policisë dhe të rinjve të cilët kërkojnë që Kuvendi të mos miratojë ligjin për Arsimin e Lartë.
Situata është tensionuar kur në godinën e parlamentit është bërë gati të hyjë Sekretari i Përgjithshëm i ministrisë së Arsimit, ku edhe është sulmuar me vezë kokës nga protestuesit. Protesta e studentëve ka nisur 1 orë para nisjes së punimeve të seancës plenare. Të rinjtë u kërkojnë ligjvënësve të heqin dorë nga drafti për Arsimin e Lartë. Sipas tyre, ky draft nuk është reformë për universitetet publike, por shkatërrim për këto të fundit.
“Universitetet janë kapur prej privatëve dhe oligarkëve. Për ne studentët kjo reformë i varfëron dhe nuk i ndihmon, por favorizon universitetet private duke rënduar situatën e publikut. Reforma për arsimin e lartë është tregtarizuese”, shprehen studentët.
