Bashkia Tiranë tashmë i ka shpallur publikisht luftë të gjithë atyre që vandalizojnë kryeqytetin. Megjithatë rastet e urinimit në publik, konkretisht në lumin Lana vijojnë nga qytetarët e ndryshëm, ku jo të paktë kanë qenë edhe rastet e vendosjes së gjobave.
Në redaksinë e JavaNews.al ka mbërritur një denoncim i një qytetari me iniciale A.H i cili përpos shqetësimit ka sjellë edhe një fotografi. Në të shihet një qytetar i cili teksa po drejton automjetin e tij me targë AA 633 GO, parkon automjetin në mes të rrugës për të urinuar në Lanë.
Në këtë situatë lind pyetja nëse bashkia e Tiranës do të gjobisë qytetarin në fjalë, i cili ka vandalizuar ambientet publike në kryeqytet?
Vlen për t’u theksuar fakti ku që pas nisjes së aksionit nga kryebashkiaku Erion Veliaj ndaj vandalizuesve, janë vetë qytetarët që tashmë denoncojnë raste të tilla, me qëllim për t’iu bashkuar luftës ndaj vandalizuesve.
