“Mos e lërë ta zgjasë muhabetin. Mos mendo se e di historinë e vendit ose momentet më të ndritshme në histori. Lavdëroje për fitoren në Kolegjin elektoral.
Krahasoje favorshëm në raport me presidentin Barack Obama. Mos u kap për çfarëdo që ka thënë gjatë fushatës zgjedhore…”.
Në majin e vitit të kaluar, derisa Donald Trump po përgatitej për udhëtimin e tij jashtë vendit, “New York Times” raportonte se si shumë diplomatë të huaj ishin në hall se si t’i qaseshin një burri që pakkush kishte besuar se do të fitonte garën për president të Shteteve të Bashkuara të Amerikës, transmeton “Koha Ditore”.
Prej atëherë, liderët botërorë janë munduar t’ia mësojnë tekat para takimit dhe tashmë kanë zgjeruar listën.
Dhe ja se si funksionon e gjithë kjo punë që ka vënë në siklet edhe njerëzit që janë pensionuar nëpër sallone diplomatike, e kanë pasur punë me çfarëdo lideri që nuk e respektonte fare protokollin. (b.an)
