Librazhd, rikthehen në punë 28 mësuesit pushuar
Ministria e Arsimit ka rikthyer në punë 28 mësuesit e gjimnazit në Hotolisht të cilët ishin pushuar nga puna me vendim të Drejtoreshës Arsimore të Librazhdit. Rikthimi i mësuesve ka ardhur pas verifikimit të procedurës së ndjekur nga grupi i inspektorëve të ministrisë së Arsimit.
Ministrja e Arsimit Lindita Nikolla ishte paradite në Hotolisht për t’i njoftuar kolektivit të mësuesve vendimin për rikthimin nga puna. “Diskutova me mësuesit për situatën e krijuar. Sqaruam një vendim drastik të marrë për shkollën e Hotolishtit. I gjithë kolektivi i mësuesve do t’i kthehet punës”, tha Nikolla.
Largimi i tyre ishte bërë nga Drejtoresha arsimore në Librazhd Fatbardha Qatja me pretendimin se mësuesit ushtronin dhunë. Opozita hodhi akuza se largimet ishin politike.
