Tre janë deputetët e Kuvendit të Shqipërisë që janë listuar si biznesmenë që, përveç fitimeve nga kompanitë vendëse, sigurojnë të ardhura edhe nga jashtë vendit.
Tom Doshi, vetëm nga katër kompanitë e tij në Shqipëri dhe të ardhurave që i vijnë nga qiratë nga Australia, ka fituar gjatë vitit 2015 rreth 112 milionë lekë të rinj.
Po ashtu, fitimet për sojnë rritje të konsiderueshme nga kontratat e shitblerjes së pasurive të paluajtshme. Deputeti i dytë që ka të ardhura nga bizneset jashtë vendit është demokrati Eduard Selami. Kompania e Selamit në SHBA quhet “Librazhd L.L.C” dhe “Alb Taxi”.
“Biznes ‘Librazhd L.L.C’ në Framingham, Massachusetts, SHBA, me vlerë fillestare krijimi 100.000 dollarë, krijuar në vitin 2011. Pjesa e z. Selami 50%. Biznes ‘Alba Taxi L.L.C’ në Virginia Beach, SHBA, me vlerë fillestare krijimi 50.000 dollarë, krijuar në vitin 2010.
Pjesa e z. Selami 50%. 3) Të ardhura nga rroga, bonuse dhe biznesi në SHBA ndër vite 1.610.700 dollarë.
4) Të ardhura nga dhënia me qira e shtëpive të banimit ndër vite 122.500 dollarë.
5) Të ardhura nga rritja e vlerës së biznesit në SHBA dhe e letrave me vlerë 459.000 dollarë”, thuhet në deklaratën e Eduard Selamit. Ndërkohë që deputeti i tretë është Dashamir Peza, që ka deklaruar si fitim vjetor nga biznesi 2.3 milionë lekë.
Panorama/d.i.
