Partia LIBRA ka nisur mbledhjen e firmave për një peticion nëpërmjet të cilit kërkohet ulja e tarifave për studentët.
Të rinjtë e kësaj force kanë nisur një peticion masiv kundër tarifave të larta studentore.
Në peticion përfshihen disa çështje, që të rinjtë e kësaj partie mendojnë se duhet të ndryshojnë.
Të rinjtë e ‘Libras’ kanë mbledhur rreth 1500 firma në 4 ditë.
“Ne të rinjtë LIBRA, bashkuar rreth aspiratës së Lirisë, Barazisë, Ekuilibrit dhe Dijes, besojmë · Se Arsimi është rruga që mund tia japë shpresë vendit tonë
· Se të Rinjtë e Shkolluar janë pasuria më e çmuar e kombit tonë · Se Universitetet cilësore janë vendi më i mirë për rininë shqiptare
· Se Arsimi Publik është vlera më e madhe që trashëgojmë nga e shkuara dhe garancia për shkollim të rinisë, pavarësisht nga shtresa sociale e mundësitë ekonomike Prandaj, kërkojmë që Qeveria Shqiptare, përmes një financimi dinjitoz për Arsimit të Lartë, Të ulë ndjeshëm tarifat e shkollimit në Universitetet Publike!
1- Eshte e pajustifikuar rritja e ketyre tarifave, edhe per faktin se universitetet publike nuk kane patur ndonje rritje domethenese te shpenzimeve vjetore gjate viteve te fundit, per infrastrukture apo shpenzime te tjera te pergjithshme.
2- Kjo rritje penalizon familjet dhe studentet e varfer dhe ata te shtreses se mesme. Rrogat e shumices se popullsise nuk kane pesuar rritje, ne ndryshim me taksat, akcizat per disa produkte dhe cmimet ne treg. Pra, varferia e shume familjeve i kufizon te rinjve mundesine e studimit dhe kjo eshte e padrejte.
3- Studentet e ardhur nga jashte Tirane qe studiojne dhe njekohesisht punojne part-time ne kryeqytet, e kane te pamundur nje pagese kaq te larte, edhe per shkak te shpenzimeve te tjera te jeteses.
4- Tarifat e studimit jane rritur ne menyre direkte ne nje mase te madhe, ne dege specifike gati jane dyfishuar ( Fakulteti i Mjekesise), ndersa ne shumicen e degeve jane rritur deri ne +50%.
5- Keto tarifa te larta bejne qe arsimi publik te kthehet ne mjet perfitimi dhe studentet te kthehen ne kliente, gje e cila eshte e papranueshme ne kendveshtrimin tone. Mund te permendesh gjithashtu faktin se tarifat e masterit në Shqipëri janë ndër më të lartat në Europë..
Ne pretendojme qe me ane te keTij peticioni te sensibilizojme sa me shume te rinj te afrohen rreth nismes tone duke e forcuar akoma me shume idene tone se nuk eshte kjo ajo qe cdo student shqiptar meriton”, thuhet në njoftimin e LIBRA-s për mediat./a.m.
