Një dyqan argjendarie është grabitur mbrëmjen e djeshme (16 gusht) rreth orës 20:45 në rrugën “Luigj Gurakuqi”, vetëm 100 m larg Komisariatit të Lezhës. Lajmi është mësuar vetëm këtë të mërkurë, 17 gusht.
Grabitësi ka qenë me një motor dhe në kokë mbante një skafandë dhe ka hyrë menjëherë në argjendari dhe ka arritur të marrë disa sende me vlerë.
Megjithëse dyqani ndodhej në rrugën kryesore dhe në një kohë levizjesh të qytetarëve, grabitësi nuk e ka menduar dy herë për të vepruar.
Pavarësisht se pronari e ndoqi dhe u përplas me të fizikisht jashtë dyqanit, i riu mundi ti shmangej pronarit dhe mori menjëherë motorin duke u larguar prej aty.
Pronari njoftoi menjëherë policinë e cila nisi hetimet, por nuk e ka bërë të ditur rastin pasi bëhej fjalë për një ngjarje të pazakontë në qytetin e Lezhës dhe në një periudhë me fluks lëvizjesh.
Deri më tani nuk është arritur të identifikohet autori që kanë qenë i maskuar, ndërsa policia ka marrë disa kamera vëzhgimi dhe po i analizon ato për të arritur në identifikimin dhe kapjen e autorit.
Ndonëse kanë kaluar 24 orë policia nuk e ka raportuar ende këtë ngjarje.
