Një konflikt me armë ka ndodhur në Lezhë por fatmirësisht ngjarja u mbyll pa viktima. Dy vëllezër i kanë bërë pritë një personi të cilin e kanë goditur me qytën e një pistolete. Arma ka bërë qitje në ajër më pas.
Ngjarja ka ndodhur ne Tale te Lezhes dhe policia ka prangosur shtetasin Dashamir Lucaj, 37 vjeç dhe ka proceduar ne gjendje te lire vellane e tij, D. L. 36 vjeç.
Informacioni i policise
Më datë 16.08.2017, nga Seksioni për hetimin e krimeve në Komisariatin e Policisë Lezhë, u arrestua shtetasi: – Dashamir Lucaj, 37 vjeç, banues në Tale2 – Lezhë Gjithashtu u proçedua penalisht në gjendje të lirë, vëllai i tij shtetasin D. L. 36 vjeç ,banues në Tale 2 – Lezhë.
Këta shtetas , në bashkëpunim me njëri – tjetrin, për motive të dobëta , kanë kanosur si dhe goditur me qytën e nje armë zjarri pistoletë në kokë, shtetasin M.L. 26 vjeç, banues në Tale2 – Lezhë, ku arma ka bërë shkrepje në ajër.
Veprat penale “Prodhim dhe mbajtje pa leje e armëve luftarake dhe municionit” “Kanosje”, “prishje e rendit dhe qetësisë publike” “Dëmtime të tjera me dashje” kryer në bashkëpunim ‘parashikuar nga nenet 278/4, 84, 274, 90 – 25 të Kodit Penal në ngarkim të shtetasit Dashamir Lucaj.
Veprat penale “Prodhim dhe mbajtje pa leje e armëve luftarake” “Kanosje” kryer në bashkëpunim parashikuar nga nenet 278/2, 84 – 25 të Kodit Penal, në ngarkim të shtetasit D.L. Materialet proçeduriale i kaluan Prokurorisë së Rrethit Gjyqësor Lezhë për veprime të mëtejshme.
