Forca e Posaçme “Shqiponja ka goditur një rast i shpërndarjes së lëndëve narkotike kanabis, duke vënë në pranga një 21-vjeçar. Sipas Policisë, i riu lëvizte me taksi, për të shmangur kontrollet nga Policia.
Ai u kap në flagrancë, duke qarkulluar si pasagjer në një mjet taksi, në rrugën “Pavarësia”. Gjatë kontrollit fizik dhe banesës së 21-vjeçarit, shërbimet e Policë, gjetën dhe sekuestruan doza me lëndë narkotike kanabis dhe një aparat celular.
Njoftimi i Policisë Tiranë
Falë inteligjencës policore goditet një tjetër rast i shpërndarjes së lëndëve narkotike kanabis nga Forca e Posaçme “Shqiponja”.
Lëvizte me taksi, për të shmangur kontrollet nga Policia, arrestohet 21-vjeçari.
Sekuestrohen doza me lëndë narkotike të dyshuar kanabis.
Forca e Posaçme “Shqiponja” në bashkëpunim me Seksionin për Hetimin e Narkotikëve, fale inteligjencës policore bënë kapjen dhe arrestimin në flagrancë të shtetasit E.N, 21 vjeç, banues në Tiranë.
Ky shtetas, për të shmangur kontrollet nga Policia, lëvizte me taksi. Gjatë ndërhyrjes nga shërbimet e Policisë, 21-vjeçari u kap duke qarkulluar si pasagjer në një mjet taksi, në rrugën “Pavarësia”. Gjatë kontrollit fizik dhe banesës së 21-vjeçarit, shërbimet e Policë, gjetën dhe sekuestruan në cilësinë e provës materiale, doza me lëndë narkotike kanabis dhe një aparat celular.
Materialet do t’i kalojnë Prokurorisë, për veprime të mëtejshme procedurale.
