Prokuroria e Krimeve të Rënda merr përgjigje nga Mali i Zi lidhur me letërporosinë që kjo e fundit dërgoi për ish ministrin e Brendshëm Saimir Tahiri.
Sipas News 24 përgjigjia nga Mali i Zi zbulon detaje të udhëtimit të Tahirit drejt Italisë. Në shkresë konfirmohet udhëtimi me jaht i ish ministrit Tahiri si dhe zbulon personin që e shoqëronte, por nuk bëhet me dije emri. Jahti ishte në pronësi të një shtetasi shqiptar.
Sakaq, Prokuroria ka nxjerrë fletëthirrje për personat që udhëtuan me Tahirin.
Ish ministri Saimir Tahiri është nën hetim për përfshirje në grupin e ‘Habilajve’.
Në korrik Prokuroria e Krimeve të Rënda zgjati hetimet për ish ministrin pasi dërgoi letërporosi në vendet fqinje, ku kërkonte informacion lidhur me një udhëtim që thuhej se ky i fundit kishte bërë me jaht nga Mali i Zi drejt Italisë.
a.ç
