Në një prononcim për median jashtë sallës së parlamentit, nënkryetarja e kuvendit Valentina Leskaj, tha se opozita, si ngritësja e akuzave ndaj saj, nuk pati kurajon që ta çojë për shqyrtim në Gjykatën Kushtetuese mandatin e saj si deputete.
“Mos kini merak se nuk ka asnjë sakrificë, kjo është pjesë e moralit dhe integritetit tim. Kam kërkuar që pretendimet e opozitës do duhet të cohen në Gjykatën Kushtetuese. PD ja kam thënë disa që në ditën e parë madje… i kam thënë, ju inkurajoj, ta çoni deri në fund. Ata nuk kanë patur kurajo që ta çojnë atje. Meqenëse ata nuk patën kurajon, unë i kam çuar një letër që dje paradite kryetarit të Kuvendit Ilir Meta.”- tha Valentina.
