Ish kampioni botëror i boksit i peshave të rënda Lennox Lewis dhe aktori i Hollivudit Will Smith do të jenë ndër të tjerët, ata që janë caktuar si mbajtësit e arkivolit në funeralin e një prej sportistëve më të mirë të shekullit XX, Muhammad Ali, njoftuan mediat britanike.
Muhammad Ali vdiq natën në mes të premten dhe të shtunës si pasojë e komplikacioneve nga sëmundja e Parkinsonit, nga e cila ai vuajti tre dekadat e fundit të jetës. Ai e mbylli jetën në moshën 74-vjeçare.
Siç transmeton BBC, britaniku Lennox Lewis, i cili e sundoi boksin si kampion botëror në kategorinë e peshave të rënda, do të mbajë arkivolin në funeral, së bashku me aktorin Will Smith, aktorin e Hollywood. Smith u propozua për çmimin Oskar dhe Globin e Artë për rolin e tij për jetën e Muhammad Ali, citohet BETA.
Gjithashtu, arkivolin do ta mbajë edhe Jerry Ellis, vëllai i ish-kampionit të botës dhe partneri i sparing të Ali, Jimmy Elisa, si dhe të afërmit dhe miqtë e tjerë të Aliut.
Funerali do të zhvillohet të premten në qytetin e tij të Louisville në Kentucky.
Në varrimin e Muhammad Ali do të marrë pjesë një numër i të famshmëve dhe ndër të tjera, flitet për presidentin turk Rexhep Tajip Erdogan, ish-presidentin Bill Clinton, imamin e Kalifornisë Zaid Shakir dhe Mbretin e Jordanisë Abdullah. (b.an)
