Në murin e dhomes se zhveshjes së Akademisë të Manchester Unitedit qëndron e varur një fotografi e Lionel Messit, e vendosur nga vetë dora e Jose Mourinho për të gjithë për ta parë.
Fotografia, në të cilën shihet ikona argjentinase duke i pastruar këpucët e veta të futbollit, ka për qëllim t’i mbajë lojtarët e rinj me këmbë në tokë, shkruajnë mediat britanike.
Është e vështirë të qëndrosh me këmbë në tokë kur je plotësisht i admirueshëm dhe i paguar shumë, dhe si pasojë shumë lojtarë rriten arrogant apo përtac. Ngjashëm siç kishte ndodhur me Ravel Morrison.
Për ta luftuar këtë fenomen, Jose Mourinho kishte gjetur një zgjidhje inovative për t’u siguruar se të rinjtë e Manchester Unitedit vazhdojnë të qëndrojnë me këmbë në tokë dhe të punojnë me përulësi.
E gjithë kjo u zbulua nga trajneri i Akademisë së Manchester Unitedit, Nicky Butt, në një intervistë për The Times.
Ish-lojtari i Unitedit ka thënë për mediumin anglez se Mourinho e ka vendosur fotografinë e Lionel Messit duke i pastruar këpucët e veta të futbollit në zhveshtoren e Akademisë.
Fotografia ishte bërë kur Messi po luante për Argjentinën më 2014 dhe qëllimi i saj në murin e Akademisë është të shërbejë si mesazh i përulësisë për lojtarët e rinj.
ma.me
