Askush nuk do ta besonte në fillim të sezonit se Leicester i drejtuar nga Claudio Ranieri do të kryesonte kampionatin anglez, duke lënë pas në rresht gjithë të mëdhenjtë.
Askush… përveç njërit. Will Kirwaan e ka “të dokumentuar” besimin te blutë kryesues, teksa në fillim të sezonit ka vënë bast pesë sterlina se skuadra e Ranierit do të kryesonte kampionatin kur të vinin Krishtlindjet.
I duhet edhe një pikë e vetme për të fituar bastin e vënë me koeficient 1000. Nëse Leicester barazon nesër në Liverpul, kundër Evertonit, Kirwaan fiton plot pesë mijë sterlina.