Sali Berisha ka dalë në një konferencë për mediat lidhur me nismën për legalizimin e kanabisit.
“Është vendim për legalizimin e krimit, drogës, vrasjeve, dhe drogimin e të rinjve. Rrënimin e shëndetit fizik dhe mendor si dhe të identitetit të shqiptarëve.” u shpreh Berisha.
“Vaj i kësaj bime apo nënprodukte të tjera përdoren. Për lehtësimin e disa rrethanave, si ankthi dhimbjet apo rrethana të tjera. Por studimet kanë faktuar se kanabisi krijon probleme serioze strukturore dhe në procese të trurit. Shumëfishon psikozat më të rënda.”
Kjo sipas Berishës do të bëjë kanabisin si simbol të Shqipërisë.
“Shqipëria ka dhjetëra herë bimë më të kushtueshme se kanabisi. Mund të ngrihet industri kozmetike, parfum, krem e sende të tjera. Por Edi Rama për shkaqe personale zgjedh kanabisin për ta bërë simbol të shqiptarëve.”
Ish kreu i PD shton se vendimi i Ramës për të legalizuar kanabisin është i pamenduar mirë, se kjo sipas tij mund të sjellë edhe shkatërrimin e rrugës drejt BE.
“Për Europën dhe fqinjët tanë, kanabisi është vetëm krim dhe organizatë kriminale. Në një moment ku po krijohej klimë pozitive reale për negociatat. Por ky dërgon mesazh se do legalizoj kanabisin paçka se vetëm Italia shpenzon për mbrojtje qindra edhe miliarda euro.” tha Berisha.
/b.h
