Presidenti Ilir Meta thotë se Kryeministri, Edi Rama dhe Sekretari i Përgjithshëm i Këshillit të Ministrave, Engjëll Agaçi janë dy personat kryesor të përfshirë në aferën e inceneratorëve.
Për ish-ministrin e Mjedisit, Lefter Koka të arrestuar me kërkesë të SPAK për këtë çështje tha se është “kokë turku”.
“I pari është kryeministri pasi çdo gjë është bërë me vendim qeveri, ke Sekretarin e Përgjithshëm të qeverisë që ka futur vendime në kundërshtim me vendimet e ministrave”, tha Meta.
Presidenti gjithashtu akuzoi të përfshirë në këtë aferë dhe disa ish-ministra dhe zv.kryeministrin, Arben Ahmetaj.
Për akuzat e shumta ndaj tij për korrupsion, Meta tha se është i pastër. Për përgjimet e vitit 2011 të ish-ministrit Prifti, Presidenti tha se pranoi të hetohej deri në fund pavarësisht se mund të shpëtonte me procedurë.
g.kosovari
