Një institut polak, i përgjegjshëm për tu marrë me dosjet komuniste ka deklaruar se posedon dokumenta, që vërtetojnë se lideri i Solidarnosc, Lech Walesa, ka qenë në fakt një agjent sekret komunist.
Lech Walesa është në fakt njëri ndër figurat më emblematike të viteve 80’- 90’, dhe mbahet si personi i cili rrëzoi komunistët në Poloni. Walesa, nga ana e tij nuk i ka pranuar këto akuza, që sipas tij janë një sërë gënjeshtrash që nuk mund të ndryshojnë të vërtetën.
Por sipas dokumentave të cilat IPN (Instituti i Memorjes Kombëtare) pretendon se disponon, tregojnë të kundërtën. Se Lech walesa, që tashmë është 72 vjeç, ka qenë një agjent i policise sekrete polake (Komuniste), i njohur me emrin Bolek. Sipas IPN, ka dalë në dritë një dokument që është firmosur nga Walesa. Bëhet fjalë për një letër të shkruar me dorë në vitin 1974, që tregon për një bisedë mes një agjenti të policisë sekrete polake (SB) dhe agjentit tjetër Bolek.
Në vitin 1992, ish Ministri Brendshëm dhe aktualisht Ministri Mbrojtjes Antoni Macierewicz publikoi një listë prej 60 emrash që dyshoheshin si agjentë të SB, mes tyre edhe Ëalesa nën emrin e koduar Bolek.
