Nga Lugina romantike e Rhine-it deri te fjordet e Islandës dhe vendet e mrekullueshme arkeologjike të Shqipërisë, ne ju rekomandojmë destinacionet më të bukura për të zbuluar përmes një lundrimi në Evropë, sipas një artikulli të botuar gazetën franceze “Le Figaro”.
Zbulimi i Shqipërisë
Vizitoni Shqipërinë e fshehtë, një vend ende i ruajtur për t’u zbuluar dhe admiruar.
Jetoni këtë eksperiencë unike në Shqipëri duke kaluar nëpër Greqi dhe Mal të Zi.
Historia e saj karakterizohet nga aventura të shumta, që nga kolonitë greke të Ilirisë së lashtë e deri te osmanët.
Vendet e saj të mrekullueshme arkeologjike dhe atmosfera e saj orientale në udhëkryqin e qytetërimeve emocionojnë çdo vizitor të saj.
Shqiptarët janë trashëgimtarë të ilirëve, vendosja e të cilëve në territorin e Republikës së Shqipërisë aktuale është dokumentuar që në antikitet.
E vendosur në bashkimin e qytetërimeve të mëdha mesdhetare, Shqipëria ka përjetuar ndikime të shumta: greke, romake, bizantine, osmane, italiane, austro-hungareze…
Udhëtimi drejt Shqipërisë në një lundrim luksoz i lejon vizitorit të vlerësojë pasurinë historike mahnitëse të këtij vendi pothuajse të paprekur nga turizmi masiv.
UNESCO e renditi rajonin e Liqenit të Ohrit si një vend të trashëgimisë botërore në 1979.
I ndërtuar në buzë të liqenit, qyteti me të njëjtin emër është një nga vendbanimet më të vjetra njerëzore në Evropë.
Menjëherë pas përfundimit të regjimit totalitar të Enver Hoxhës në vitin 1991, zona e Butrintit, një vend i jashtëzakonshëm arkeologjik, u bë gjithashtu një vend i trashëgimisë botërore.
Më pas, qendrat historike të Beratit dhe Gjirokastrës iu bashkuan listës prestigjioze falë trashëgimisë së tyre të jashtëzakonshme arkitekturore nga periudha osmane.
“Le Figaro” rendit pesë itineraret kryesore për të udhëtuar me kroçiere në Evropë:
Zbulimi i Shqipërisë
Lumi Rhine
Lundrimi nga Valencia, Spanjë – Porto, Portugali
Thesaret e Islandës
Lundrimi nga Lumi Elba në Moldavi
/a.r
