Ministri i Jashtëm rus Sergej Lavrov deklaroi të dielën se Rusia do të marrë në konsideratë veprimet e vendeve të NATO-s dhe Bashkimit Evropian lidhur me mbështetjen ushtarake për Ukrainën.
Lavrov kritikoi atë që ai e cilësoi si një linjë “rusofobe” të ndjekur nga disa vende perëndimore, duke përmendur Britaninë, Brukselin, Francën, Gjermaninë dhe vende të tjera të NATO-s dhe BE-së.
Sipas tij, këto vende janë të vetëdijshme për veprimet e tyre dhe po përpiqen të krijojnë një distancë publike nga politika e ndjekur ndaj Rusisë.
“Rusia do të marrë parasysh gjithçka që elitat hapur rusofobe po bëjnë tani”, tha Lavrov në një intervistë për gazetarin e Vesti-t, Pavel Zarubin.
Ai shtoi se përpjekjet për t’u tërhequr paraprakisht nga përgjegjësia për këto politika “nuk do të funksionojnë”.
