Këngëtari Bik Ndoja është ndarë nga jeta. Lajmi konfirmohet nga qyteti i Shkodrës, ndërsa Ndoja ndërroi jetë në moshën 90-vjeçare. Homazhet për bilbilin e këngës shkodrane do të zhvillohen ditën e nesërme në teatrin ‘Migjeni’ nga ora 11:00 deri 13:00, ndërsa Ndoja mbante titullin ‘Artist i Merituar’.
Kush ishte Bik Ndoja:
Ludovik Ndoj Gjergji, i njohur nga publiku si Bik Ndoja lindi në Shkodër me 13 gusht 1925. Atij iu dha titulli “Artist i Merituar” në vitin 1969. Biku banonte në Rrugën “Skanderbeg”, që quhet zona e ‘Ara e Pashës’, pranë Shtëpijës së Fëmijës. Profesioni i tij ishte rrobaqepës i talentuar. Kompozitori Zef Çobaj ka kompozuar edhe një këngë për Bik Ndojën në shtator të 2009 të kënduar nga Artur Matia.
