Lamtumirë Adnan Januzaj
Sipas tabloidit britanik Daily Mail, Adnan Januzaj pritet të largohet nga Manchester United gjatë kësaj vere. Ditët e Adnan Januzajt te Manchester United janë të numëruara. Kosovari pritet të largohet nga Old Trafford gjatë kësaj vere raporton, Daily Mail.
Reprezentuesi belg luajti vetëm 45 minuta në fitoren e Unitedit ndaj Club Brugge (4:0), por nuk e bindi trajnerin Louis Van Gaal. “Të riut belg i është dhënë roli i numrit 10, por edhe një herë nuk e tregoi vetën, pasi dështoi të lidhet me Rooneyn dhe Depayn. Për 45 minuta, trajneri Luis Van Gaal si duket ishte bindur se Januzaj nuk po përshtatet dhe e nxori nga ndeshja”, shkruan Daily Mail.
“Zëvendësimi i Januzajt dha fryte pasi që United realizoi tri gola duke mos u vërejtur mungesa e 20 vjeçarit ”, vazhdon shkrimi i Daily Mail. Januzaj këto ditë ka shfaqur interesimin e skuadrave nga Premierliga; si Everton, Sunderland dhe West Ham, dhe ekipit gjerman, Wolfsburg.
