E përditshmja spanjolle Marca raporton se pesë herë fituesi i Topit të Artë, Leo Messi i ka thënë jo renovimit të kontratës me Barcelonën. Kjo do te thote se kur te mbaroje kontraten, ai nuk vazhdon me ne Barcelone.
Marca raporton se kjo është si pasojë e shqetësimeve që argjentinasi ka rreth rastit të tij për “mashtrimin me taksa”, transmeton Koha.net.
Messi ishte gjetur fajtor dhe është dënuar me 21 muaj burgim për tre akuza për evazion fiskal, por nuk e ka mbajtur asnjë ditë burg.
Argjentinasi, që cilësohet si një nga më të mirët në histori të futbollit, ka kontratë me klubin katalunas deri më 2018.
Marca thotë se këtë vendim Messi e kishte marr në javën e dytë të pushimit në korrik, dhe më pas i ka konfirmuar lajmin presidentit të Barcelonës, Josep Maria Bartomeu që është shokuar nga ky vendim. (b.an)
