“Një nga reperët më të famshëm të të gjithë botën ka gjetur vdekjen, pasi është vrarë teksa shëtiste në bulevard”, ky është lajmi që ka pushtuar rrjetet sociale dhe mediat amerikane gjatë ditëve të fundit.
Në një artikull të publikuar online, thuhet se 50 Cent është ekzekutuar, ndërsa autorët e këtij krimi nuk dihen.
Por vetëm pak orë më pas “Mediamass” ka përgënjeshtruar lajmin duke shuar të gjitha thashethemet e përhapura me shpejtësi.
Sipas saj, 50 Cent nuk ka vdekur dhe është shumë mirë. “Reperi ka qenë viktimë e një vrasjeje false”, shkruan ajo, ndërsa saktëson se gjithçka ka nisur si një shaka në rrjetet sociale, por që dikush e ka marrë shumë seriozisht.
