Një ditë pas përhapjes së lajmit se Shqipëria do të përfshihej nga një tërmet 6 ballësh, Prokurorja e Përgjithshme ka kërkuar vlerësim ligjor për rastin.
Këtë procedurë Arta Marku ia ka deleguar Prokurorisë pranë Gjykatës së Shkallës së Parë Tiranë.
“Prokurorja e Përgjithshme znj. Arta Marku kërkoi nga Pokuroria pranë Gjykatës së Shkallës së Parë Tiranë, vlerësimin e menjëhershëm ligjor në lidhje me dyshime për përhapjen në publik të informatave/njoftimeve të rreme që ngjallin panik dhe pasiguri tek qytetarët.
Në mbështetje të neneve 38 dhe 50/1 të Ligjit nr.97/2016 ”Për Organizimin dhe Funksionimin e Prokurorisë në Republikën e Shqipërisë”, pa cënuar sekretin hetimor Prokurorja e Përgjithshme znj. Arta Marku kërkoi gjithashtu informacion në lidhje me mënyrën e trajtimit të materialit”, thuhet në njoftim.
Një natë më parë njerëzit dolën të tmerruar në rrugë nga frika e tërmetit, edhe pse dihet që ky fenomen nuk parashikohet.
/a.r
