Pas përfundimit të mbledhjes së grupit parlamentar të Partisë Demokratike, kryetari Lulzim Basha ka dalë me një ultimatum për Kuvendin.
Basha deklaron se “të enjten seanca do të nisë me një sërë kushtesh dhe nëse nuk plotësohen do të të ketë masa për pamundësimin e funksionimit normal të Kuvendit”.
Basha tha se PD do të kërkojë “largimin nga Kuvendi të Koço Kokëdhimës, Valentina Leskajt e Rakip Sulit, të cilët, në kundërshtim me Kushtetutën, kanë konsumuar paratë e popullit shqiptar. Shansi i vetëm i këtij Kuvendi që të funksionojë është që që të zbatojë Kushtetutën”, tha Basha.
Kryetari demokrat tha se PD do të kërkojë miratimin të enjten të akteve nënligjore për Ligjin e Dekriminalizimit.
“Kupola e Ramës nuk punon për Shqipërinë Edhe vetë zyrtarët socialistë e kanë kuptuar se punojnë për Edi Ramën, Koço Kokëdhimën e Ilir Beqajn, nuk punojnë për vete”, tha Basha.
