Këshilli i Rregullores, Mandateve dhe Imuniteteve eshte mbledhur te premten paradite për të finalizuar miratimin e akteve të ligjit të ‘Dekriminalizimit’, që do t’i hapnin rrugën zbatimit të plotë të tij.
Gjatë ditës së djeshme, negociatorët e të dyja palëve, Taulant Balla (PS) dhe Oerd Bylykbashi (PD), në prezencë dhe të kryetarit të Kuvendit, Ilir Meta, vijuan takimet për gjetjen e konsensusit ku kanë gjetur mirëkuptim.
Procesi i verifikimit të formularëve të vetëdeklarimit është çështja ku PS dhe PD ndaheshin ndërsa mësohet se cështjet teknike që lidheshin me këtë pikë tashmë janë tejkaluar.
Kryeparlamentari Meta pohoi dje se palët kanë pasur një përafrim mjaft të gjerë në qëndrimet e tyre dhe se gjatë të premtes pritet të përmbyllet ky proces.
Pas kalimit në Këshillin e Mandateve paketa nënligjore e dekriminalizimit do t’i kalojë për votim sencës së sotme plenare, e cila më parë u shty dje për t’i dhënë kohë maxhorancës dhe opozitës në arritjen e një marrëveshje.
Seanca e së enjtes pritet të votojë aktet nënligjore, përfshirë dhe përmbajtjen e formularit të shumëdiskutuar.
